త్వరలో సార్వత్రిక ఎన్నికలు జరగనున్న వేళ, రాజ్యసభ ఎన్నికలకు సీఈసీ సిద్దమైంది.ఏప్రిల్ మాసంలో రాజ్యసభలో 56 స్థానాలు ఖాళీ కానున్నాయి. రాజ్యసభ స్థానాల భర్తీకి కేంద్ర ఎన్నికల సంఘం ఫిబ్రవరి 8న నోటిఫికేషన్ విడుదల చేయనుంది. ఏపీ, తెలంగాణ నుంచి మూడు చొప్పున మొత్తం ఆరు స్థానాలు భర్తీ చేయనున్నారు. ఫిబ్రవరి 27న పోలింగ్ నిర్వహించనున్నారు.
రాజ్యసభ ఎన్నికలకు ఫిబ్రవరి 8న నోటిఫికేషన్ రానుంది. 15 వరకు నామినేషన్లు స్వీకరిస్తారు. 16న పరిశీలిన జరుగుతుంది. ఉపసంహరణకు చివరి తేదీ ఫిబ్రవరి 20. ఫిబ్రవరి 27న ఉదయం 9 గంటల నుంచి 4 గంటల వరకు పోలింగ్ నిర్వహిస్తారు. అదే రోజు ఓట్ల లెక్కింపు చేసి, ఫలితాలు వెల్లడిస్తారు.
