భారత సంతతికి చెందిన ఓ కుటుంబం అమెరికాలో అనుమానాస్పదంగా మృతిచెందింది. గురువారం రాత్రి ఈ ఘటన జరిగింది. అమెరికాలోని మాసాచుసెట్స్ రాష్ట్రంలో నివాసం ఉంటోన్న రాకేశ్ కమల్ కుటుంబం అనుమానాస్పదంగా (crime news) చనిపోయి ఉండటాన్ని పోలీసులు గుర్తించారు.
అనుమానాస్పదంగా చనిపోయిన వారిలో రాకేశ్ కమల్, ఆయన భార్య టీనా, కుమార్తె అరియానా ఉన్నారు. రెండు రోజుల నుంచి వారు ఫోన్ ఎత్తకపోవడంతో, బంధువులు పోలీసులకు సమాచారం అందించారు. రాకేశ్ కమల్ మృతదేహం వద్ద తుపాకీ గుర్తించారు. గృహహింస వల్ల జరిగిందా? ఆర్థిక సమస్యలా అనేది తెలియాల్సి ఉంది. దుండగుల ప్రమేయంపైన కూడా పోలీసులు దర్యాప్తు సాగిస్తున్నారు.
రాకేశ్ 2016లో వ్యాపారం ప్రారంభించారు. 2021లో నిలిచిపోయింది. బోస్టన్ యూనివర్సిటీ,స్టాన్‌ఫోర్డ్ నుంచి కూడా రాకేశ్ పట్టాలు పొందారు. విద్యారంగంలో మంచి అనుభవం ఉంది. వారు 11 పడక గదుల విశాలమైన భవంతిలో నివాసం ఉంటున్నారు. 2019లో ఈ భవనం కొనుగోలు చేసినట్లు బంధువులు తెలిపారు.
